“Obi-hayot” mahalla fuqarolar yig‘ini yettiligi bilan yig‘ilish o‘tkazildi

Xalq deputatlari Namangan shahar Kengashi raisi hamda deputat ishtirokida “Obi-hayot” mahalla fuqarolar yig‘ini yettiligi bilan navbatdagi ishchi yig‘ilish o‘tkazildi.

Yig‘ilish davomida mahalladagi ijtimoiy-iqtisodiy vaziyat, aholi murojaatlari bilan ishlash holati, hududni obodonlashtirish, yoshlar bandligini ta’minlash hamda huquqbuzarliklarning oldini olish borasida amalga oshirilayotgan ishlar atroflicha tahlil qilindi.

Muhokamalar jarayonida mahallada olib borilayotgan bunyodkorlik ishlari, yangi mahalla binosi qurilishining borishi, ijtimoiy himoyaga muhtoj oilalarni qo‘llab-quvvatlash masalalari ko‘rib chiqildi. Shuningdek, mahalla yettiligi faoliyatini yanada samarali tashkil etish yuzasidan aniq vazifalar belgilandi.

Yig‘ilish yakunida mas’ullarga mavjud muammolarni o‘z vaqtida bartaraf etish, aholiga sifatli va tezkor xizmat ko‘rsatishni ta’minlash hamda ijro intizomini kuchaytirish bo‘yicha tegishli topshiriqlar berildi.

Mahallalarda tizimli ishlarni yo‘lga qo‘yish va fuqarolar bilan ochiq muloqotni kengaytirish ustuvor vazifa etib belgilandi.