Mahalliy Kengash deputatlari faoliyatining eng muhim yo‘nalishlaridan biri — aholi salomatligini muhofaza qilish 🏥, tibbiy xizmatlar sifatini oshirish hamda tibbiyot muassasalari faoliyati ustidan jamoatchilik nazoratini kuchaytirishdan iborat. Shu maqsadda belgilangan tavsiyalar asosida Andijon viloyatidagi "Andijon viloyat Ko‘p tarmoqli bolalar shifoxonasi" ga deputatlar guruhi bilan o‘rganish va amaliy tanishuv tashrifi amalga oshirildi.

Tashrif davomida shifoxonaning barcha yo‘nalishlari atroflicha ko‘zdan kechirildi 🏢. Avvalo, bemor bolalarga ajratilayotgan bepul dori-darmon vositalarining mavjudligi 💊, ularning saqlanish sharoiti va bemorlarga yetkazilish tartibi o‘rganildi. Mas’ullar tomonidan bepul berilayotgan dori vositalari ro‘yxati hamda ularning hisob-kitobi yuzasidan ma’lumotlar taqdim etildi.

Alohida e’tibor shifoxonada joriy etilgan onlayn navbatga yozilish tizimiga qaratildi. Fuqarolar uchun qulaylik yaratish, ortiqcha navbatlarning oldini olish va shaffoflikni ta’minlash borasidagi ishlar yuzasidan mas’ullarning axboroti tinglandi 🗂.

Shuningdek, bemorlar va ularning ota-onalari uchun yaratilgan sharoitlar — palatalarning jihozlanishi 🛏, yotoq o‘rinlari, tozalik darajasi, ichimlik suvi va sanitariya-gigiyena talablariga rioya etilishi alohida nazorat qilindi ✅ Muolaja xonalari, diagnostika bo‘limlari hamda sterilizatsiya uskunalarining ishlash holati ko‘zdan kechirilib, tibbiy jihozlarning zamonaviyligi va ulardan foydalanish samaradorligi o‘rganildi .

📚 Shifoxonada nafaqat davolash, balki ta’lim ham davom etadi ✨. Deputatlar guruhi shifoxonada faoliyat yuritayotgan “Mehrli maktab” bilan ham yaqindan tanishdi 👩‍🏫.

Mazkur maktabda uzoq muddat davolanayotgan bolalar uchun umumta’lim maktablari dasturi asosida darslar tashkil etilgan.

✏️📘 Shifokorlar nazorati ostida bo‘lgan holda, bolajonlar bilim olishdan ortda qolmayapti 🌟.

Deputatlar bemor bolalar holidan xabar olib 🤍, ularning ota-onalari bilan muloqot qildilar. Tibbiy xizmat sifati, shifokorlar muomalasi hamda yaratilgan sharoitlar yuzasidan fikr va takliflar eshitildi 📋. Bildirilgan murojaatlar va aniqlangan ayrim kamchiliklar yuzasidan tegishli tavsiyalar berilib 📝, ularni bartaraf etish bo‘yicha mas’ullarga aniq vazifalar yuklatildi.

Mazkur o‘rganish ishlari tibbiyot sohasida ochiqlik va hisobdorlikni ta’minlash 🔎, bolalar salomatligini yanada mustahkamlash 💙 hamda aholiga ko‘rsatilayotgan tibbiy xizmatlar sifatini oshirishga xizmat qiladi.