“Yoshlar kuni” doirasida Xalq deputatlari Andijon shahar Kengashi deputati Fayzulloh Dadajonov maktab bitiruvchilari bilan uchrashdi.

Andijon shahridagi 31-umumta’lim maktabida yoshlarni vatanparvarlik ruhida tarbiyalash, ularning sifatli ta’lim olishini ta’minlash hamda zamonaviy kasb-hunarlarga yo‘naltirish maqsadida yoshlar bilan uchrashuv tashkil etildi.

Uchrashuv davomida F. Dadajonov mamlakatimizda yoshlarning sifatli ta’lim olishi uchun yaratilayotgan keng imkoniyatlar davlat siyosatining ustuvor yo‘nalishlaridan biri ekanini ta’kidladi. Zamonaviy ishlab chiqarish va sanoat tarmoqlarida yuz berayotgan yangilanishlar kelajak kasblariga bo‘lgan ehtiyojni oshirayotgani, bu esa yoshlarni raqobatbardosh kadrlar etib tayyorlash zaruratini kuchaytirayotgani qayd etildi.

Shuningdek, bitiruvchilarning kelajak rejalari muhokama qilinib, ularning tashabbus va takliflarini qo‘llab-quvvatlash, intellektual salohiyatini ro‘yobga chiqarish davlat siyosatining muhim vazifasi ekani ta’kidlandi.