Deputat saylovchilariga hisobot berdi 

Xalq deputatlari Oltiariq tuman Kengashi deputati D. Karimov Toshobod MFYda saylovchilar bilan uchrashuv o‘tkazdi. Tadbirda o‘tgan
davr mobaynida mazkur saylov okrugida xudud deputati tomonidan amalga oshirilgan ishlar sarxisob qilindi. D. Karimov tashabbusi bilan qisqa vaqt mobaynida:

- Povulg‘on xududidan o‘tgan serqatnov yo‘lga svetafor
o‘rnatildi;  

- Toshobod va Povulg‘on aholisi uchun ichimlik suvi
tarmog‘i yangilandi;  

- Deputat tashabbusi bilan Ochiq byudjet portali orqali Toshobod MFY ning 3 ming 200 metr ichki yo‘llarini asfaltlash loyihasi qo‘yildi va yakunda g‘olib deb topilib, asfaltlashdi;  

- Xuddudagi 12 nafar ishsiz ayollarning bandligi ta’minlandi. Shuningdek, uchrashuvda kelgusida xududda Tibbiy tezyordam brigadasi uchastkasini tashkil etish bo‘yicha mutasaddi tashkilotlar bilan birgalikda amaliy natijaga erishish uchun ishlar olib borilayotganligi ta’kidlandi.  

Uchrashuv ochiq va samimiy muloqot tarzida bo‘lib
o‘tdi.