Xalq deputatlari Boyovut tuman Kengashining haftalik ish rejasida belgilangan “Deputat bilan bir kun” loyihasi doirasida deputatlar faoliyatini ommaviy axborot vositalarida keng yoritish maqsadida bugun 12-Boyovut saylov okrugidan saylangan deputat Salohiddin Kuldashovning bir kunlik faoliyati o‘rganildi.

➡️Tadbir davomida deputat dastlab mahalla “yettiligi” a’zolari bilan uchrashib, hududdagi ijtimoiy-iqtisodiy holat, aholini qiynab kelayotgan muammolar hamda ularni bartaraf etish yuzasidan amalga oshirilayotgan ishlar haqida fikr almashdi.

➡️Shundan so‘ng deputat “Markaz” mahallasida joylashgan 42-sonli umumta’lim maktabi faoliyati bilan yaqindan tanishdi. O‘rganish jarayonida ta’lim muassasasida yaratilgan shart-sharoitlar, o‘quv jarayonining tashkil etilishi, sinf xonalarining holati hamda o‘quvchilar uchun yaratilgan imkoniyatlar ko‘zdan kechirildi.

➡️Keyingi manzil sifatida deputat mahalladagi 17-sonli maktabgacha ta’lim tashkilotiga tashrif no‘ldi. Muassasada bolajonlar uchun yaratilgan sharoitlar, tarbiyalanuvchilarga berilayotgan oziq-ovqat mahsulotlarining sifati, sanitariya-gigiyena talablari hamda xonalarining issiqlik holatini o‘rgandi.

➡️Shuningdek, deputat mahalla profilaktika inspektori bilan birgalikda hudud yoshlari bilan uchrashib, ularning bo‘sh vaqtini mazmunli tashkil etish, bandligini ta’minlash hamda yoshlar o‘rtasida huquqbuzarliklarning oldini olish borasida suhbatlashdi.

➡️Tadbir yakunida tadbirkorlik faoliyatini yo‘lga qo‘yish istagini bildirgan yoshlar bilan uchrashuv o‘tkazilib, ularning murojaatlari deputat tomonidan shaxsan tinglandi hamda bildirgan taklif va muammolar yuzasidan tegishli tashkilotlar bilan hamkorlikda amaliy choralar ko‘rilishi ta’kidlandi.