Saylovchilar muammolari deputatlar nazoratida

Tuman Kengashi deputatlari tomonidan hududlarda saylovchilar bilan o‘tkazilgan uchrashuvlar davomida fuqarolarni qiynab kelayotgan bir qator masalalar atroflicha o‘rganildi. Uchrashuvlar jarayonida ko‘tarilgan, ammo joyida hal etilishi imkoni bo‘lmagan muammolar yuzasidan O‘zbekiston Respublikasi Oliy Majlisi Senati Kengashining KQ-35-son qarori asosida alohida chora-tadbirlar rejasi ishlab chiqildi.

Mazkur jarayon davomida saylovchilar tomonidan ko‘tarilgan dolzarb muammolar deputatlar tomonidan aniqlanib, ularni bosqichma-bosqich hal etish bo‘yicha aniq vazifalar belgilab olindi.

Shuningdek, aniqlangan muammolarni tizimli ravishda ko‘rib chiqish va ularning yechimini tezlashtirish maqsadida masalani navbatdagi sessiya kun tartibiga kiritish taklifi ham ilgari surildi va ma’qullandi.

Bu kabi uchrashuvlar aholining muammolarini o‘rganish, ularni tizimli hal etish hamda deputatlik nazoratini kuchaytirishda muhim ahamiyat kasb etadi.