Joriy yilning 5-mart kuni Zarafshon shahrida yoshlar kuni munosabat bilan "Raxbar va yoshlar uchrashuvi" boʻlib oʻtdi. Unda Zarafshon shahar hokimi, xalq deputatlari Zarafshon shahar kengashi deputati N. Rahmanov masʼullar va yoshlar ishtirok etishdi. Uchrashuvda shahrimiz hokimi, xalq deputatlari shahar kengashi deputati N. Rahmanov yurtimizda yoshlarni har tomonlama qoʻllab-quvvatlash boʻyicha olib borilayotgan ishlar toʻgʻrisida soʻz yuritdi. Shu bilan birga, hozirda dunyo maydonida yuz berayotgan voqealar va ushbu voqealardan yoshlarimiz toʻgʻri xulosa chiqarib, yurtimiz tinchligi va farovonligi, taraqqiy etishi uchun oʻzlarining munosib hissalarini qoʻshishlari lozimligini alohida taʼkidladi. Uchrashuv davomida yoshlar tomonidan loyihalar taqdimoti oʻtkazildi. Shuningdek, yoshlar tomonidan taklif va mulohazalar ham bildirilib, mazkur takliflar atroflicha oʻrganib chiqilishini maʼlum qildi.