Deputatlar oilaviy
poliklinikaning qurilishi ishlarini o‘rgandilar 

2025 yilning
7 may kuni O‘zbekiston Respublikasi Prezidenti Shavkat Mirziyoev raisligida sog‘liqni
saqlash tizimini yanada takomillashtirish masalalariga bag‘ishlab o‘tkazilgan kengaytirilgan
yig‘ilishda belgilangan vazifalar, xususan, “90 kunlik o‘zgarishlar vaqti” doirasida
belgilab berilgan topshiriqlar ijrosini ta’minlash bo‘yicha tumanda qator ishlar
amalga oshirilgan.  

Ushbu ishlarni
bajarilishi doirasida xalq deputatlari Quva tuman Kengashi deputatlari tuman tibbiyot
muassasalaridagi qurilish, ta’mirlash ishlari bo‘yicha navbatdagi o‘rganishlarni
olib bordilar. 

Deputatlar,
hususan, Novent mahalla fuqarolar yig‘inidagi 9-son oilaviy poliklinikada “Mirzo
Saodat” mas’uliyati cheklangan jamiyat tomonidan amalga oshirilayotgan qurilish
ishlarining sifat holatini o‘rgandilar. 

O‘rganishlar
davomida deputatlar mazkur oilaviy poliklinikadagi qurilish-ta’mirlash ishlari belgilangan
muddatdan kechiktirilgani, shu bilan birga sifatli bajarilmaganligini ta’kidladilar
va bu borada tegishli organlarga bajarilgan ishlarga sifatiga huquqiy baho berish
yuzasidan axborot kiritdilar.