Xalq deputatlari Buloqboshi tumani Kengashi kotibiyati mudiri N.Xolmatova hududdagi 27-umumiy o‘rta ta’lim maktabi rahbari A.Karimjonov hamda o'qituvchilar bilan ko'rishib maktabdagi ilg'or o'quvchi yoshlar bilan ochiq muloqot uchrashuvi tashkil etildi. Uchrashuvdan asosiy maqsad yoshlarning muammolari, qiziqishlari hamda kelajakdagi rejalari bilan tanishish, ularni qo‘llab-quvvatlash va foydali tavsiyalar berishdan iborat bo‘ldi.

Tadbir davomida o‘quvchilar bilan samimiy suhbat olib borilib, ularning ta’limga bo‘lgan qiziqishi, kasb tanlash masalalari hamda yoshlar uchun yaratilayotgan imkoniyatlar haqida fikr almashildi. Shuningdek, yoshlarni ilm-fan, sport va turli to‘garaklarga jalb qilish, ularning bo‘sh vaqtini mazmunli tashkil etish masalalariga ham alohida e’tibor qaratildi.

Uchrashuv davomida o‘quvchilar o‘zlarini qiziqtirgan savollar bilan murojaat qilishdi va ularga batafsil javoblar berildi. Tadbir yakunida yoshlar o‘z oldilariga katta maqsadlar qo‘yib, kelajakda Vatan ravnaqi uchun munosib hissa qo‘shishga chaqirildi.