O‘zbekiston Respublikasi Prezidenti tashabbusi bilan joriy etilgan “Tashabbusli budjet” loyihasi aholining taklif va tashabbuslarini amalda ro‘yobga chiqarish, joylarda yashovchi fuqarolarning turmush sharoitini yaxshilashga xizmat qilmoqda.

📍 2025-yilgi “Tashabbusli budjet”ning ikkinchi mavsumida Boyovut tumani bo‘yicha g‘olib deb topilgan loyihalardan biri — “Ijodkor” mahallasida joylashgan 40-sonli umumiy o‘rta ta’lim maktabi hududida sun’iy qoplamali, usti yopiq, yuvinish va kiyinish xonalaridan iborat mini futbol maydonini barpo etish ishlari boshlab yuborildi.

Mazkur obyekt qurilishi jarayoni tuman hokimi Niyoz Xazratkulov boshchiligida, Xalq deputatlari tuman Kengashi raisi hamda deputatlar ishtirokida o‘rganilib, olib borilayotgan qurilish ishlari sifati va belgilangan muddatlarda yakunlanishi yuzasidan mas’ullarga tegishli tavsiya va ko‘rsatmalar berildi.