Angor tumani hokimi Qosim Mardonov Xalq deputatlari tuman Kengashining 7-Yangobod saylov okrugidan saylangan deputat sifatida saylovchilar bilan navbatdagi uchrashuvini o‘tkazdi. Uchrashuv davomida fuqarolarning murojaatlari, mavjud muammolari va ilgari surilgan takliflari atroflicha ko‘rib chiqildi. Aholini qiynab kelayotgan masalalar yuzasidan mas’ul tashkilotlar rahbarlariga aniq topshiriqlar berildi va ularni qonuniy hamda o‘z vaqtida hal etish bo‘yicha vazifalar belgilandi. Deputat Qosim Mardonov tomonidan bildirilgan har bir murojaat e’tiborsiz qolmasligi, ularning ijrosi qat’iy nazoratga olinishi ta’kidlandi. Bunday ochiq muloqotlar hududni ijtimoiy-iqtisodiy rivojlantirish, aholi farovonligini oshirish hamda xalq bilan muloqotni yanada mustahkamlashga xizmat qiladi.