Deutattıń bir kúni 

Xalıq deputatları Bozataw rayonlıq Keńesi 5-sanlı “Tórtkúl” saylaw okrugi deputatı Jangabaeva Aysholpan óziniń saylaw aymaǵında máhálle jetiligi, ayqmaq puqaraları menen ushırasıw hám jeke qabıllawı bolıp ótti. 

Deputat dáslep Qusxanataw awıl puqaralar jıyındaǵı «máhálle jetiligi» menen ushırasıp aymaqtaǵı sociallıq-ekonomikalıq baǵdardaǵı áhmiyetli máseleler boyınsha soylesildi hám aldaǵı isleniwi tiyis bolǵan wazıypalar belgilenip alındı. 

Sonday-aq deputat Qusxanataw APJ imratında jeke qabıllaw ótkerdi, puqaralar tárepinen turmıslıq mashqalaların aytıp sol jerdiń ózinde 2 múrájat kelip tústi hám orında 1 múrájat unamlı sheshildi.  

Puqara G.Dilmbetova tárepinen jumıssızlıq máselesinde etken múrajatı boyınsha deputat rayonlıq Kámbaģallıqtı qısqartıw hám bántlikke kómeklesiw bóliminıń tiyisli xızmetkerine telefon arqalı baylanısıp bos jumıs ornına jaylastırıw boyınsha sóylesilip, rayonlıq «Бўзатов тикув цехи» kárxanasına jumısqa qabıl etildi. 1 múrájat bolsa qalaǵalawǵa alınıp deputatlıq soraw jiberiliwine tayarlanbaqta. 

Bunnan soń aymaqqa shıǵıp puqaralar menen ushırasıwında keyingi jılları elimizde «Insan qádiri ushın» uranı tiykarında hár bir puqara erkin hám abadan jasaytuǵın Jańa Ózbekstandı qurıw maqsetinde xalqımızdıń ázeliy arzıw-niyetlerine únles halda keń kólemli reformalar alıp barılmaqta. Aldımızǵa qoyǵan bunday ullı wazıypanı ámelge asırıwda biz, bárinen burın, áyyemgi tariyxımız hám bay mádeniyatımızǵa, joqarı adamgershilik
principlerin ózinde jámlegen milliy hám diniy qádiriyatlarımızǵa súyeniwimiz tábiyıy. Ásirese, el-xalqımız bárqulla ármanlap, úlken quwanısh penen kútip alatuǵın, jámiyetimizde tınıshlıq, doslıq, miyrim-shápáát hám keńpeyillik ortalıǵın bekkemlewge xızmet etetuǵın muqaddes Ramazan ayınıń bul baǵdarda ayrıqsha ornı hám áhmiyeti bar ekenligin atap ótti.

Kem támiyinlengen shańaraqlardıń jasaw jaǵdayınan xabar alınıp hámde kóp jıllardan beri qiynap jurgen mashqalalı máseleler boyınsha puqaralardıń úylerine barıp úyreniwler dawam etti.