Deputattıń baslaması menen ishki jollar mashqalası sheshilmekte. 

Taxtakópir rayonı "Qaraoy" APJda jasawshı puqaralar tárepinen ishki jolları jaramsız jaǵdayǵa kelip qalǵanlıǵı boyınsha ótken jıllar dawamında kóplegen múrájatlar bildirilgen edi.  

Usı múrájatqa tiykar, Xalıq deputatları rayonlıq Keńesiniń deputatı V.Dauletiyarova tárepinen deputatlıq baslaması menen "máhálle jetiligi" hám aymaq turǵınları birgelikte "Ashıq byudjet" joybarı arqalı usı kóshelerdi ońlaw boyınsha dawıs jıynaw jumısları nátiyjeli shólkemlestirildi. Belsendilik hám awızbirshilik nátiyjesinde joybar jeńimpaz dep tabılıp, 1,4 kilometr aralıǵın ońlaw ushın 1 mlrd 214 million swm muǵdarında qarjı ajıratıldı. 

Búgingi kúnde bul kóshelerde asfalt tósew jumısları baslanıp, xalıq ushın qolaylı hám qáwipsiz jol infrastrukturasın jaratıw baǵdarında ámeliy jumıslar alıp barılmaqta. Bul baslama puqaralardıń múrájatlarına óz waqtında itibar qaratıw, xalıqtıń belsendiligin arttırıw hám máhálledegi áhmiyetli mashqalalardı awızbirshilik tiykarında sheshiwdiń ayqın úlgisi bolmaqta.