Joriy yil 2-mart kuni tuman Kengashi deputatlari — Azamat Xudayberdiyev, Alisher Jaynarov hamda Oliya Baxramovalar — tuman markazidagi “Navro‘z” mahalla fuqarolar yig‘ini hududida bo‘lib, mahalla ichki ko‘cha yo‘llari va ko‘p qavatli uylar oldidagi bolalar o‘yingohlari holatini o‘rganish olib borilganda, Ajiniyaz ko‘chasidagi ko‘p qavatli va xizmat uylari yonida barpo etilgan bolalar maydonchasi yaroqsiz ahvolga kelib qolganligi aniqlangan edi.

Shu munosabat bilan deputat O.Baxramova tomonidan tuman Qurilish va uy-joy kommunal bo‘limi boshlig‘i nomiga deputat so‘rovi yuborildi. Unda mazkur bolalar maydonchasini to‘liq ta’mirlash yoki yangidan barpo etish, shuningdek xavfsizlik talablariga muvofiq holga keltirish yuzasidan tegishli chora-tadbirlar ko‘rish so‘ralgan. 

Mazkur masala yuzasidan 10 kun muddatda rasmiy javob taqdim etilishi belgilangan.

Fuqarolar manfaatini ta’minlash va ularning murojaatlarini amaliy hal etish — doimiy e’tiborimizda.