Xalq deputatlari Ellikqal’a tuman Kengashiga 16-sonli “Oybek” saylov okrugidan saylangan deputatAbduramanova Nabira Kenjabayevna o‘z saylov hududida faoliyat olib borayotgan mahalla yettiligi vakillari bilan uchrashuv o‘tkazdi. 

 Uchrashuv davomida hududdagi ijtimoiy-iqtisodiy masalalar, aholini qiynab kelayotgan muammolar hamda ularni bartaraf etish bo‘yicha amalga oshirilishi lozim bo‘lgan chora-tadbirlar muhokama qilindi. 

Shuningdek, mahallada olib borilayotgan obodonlashtirish ishlari, aholini ijtimoiy qo‘llab-quvvatlash, yoshlar bandligini ta’minlash, xotin-qizlar faolligini oshirish hamda hudud infratuzilmasini yanada yaxshilash masalalariga alohida e’tibor qaratildi. 

 Mahalla yettiligi vakillari tomonidan hudud aholisi tomonidan bildirilayotgan taklif va murojaatlar deputatga yetkazildi. 

Deputat tomonidan ko‘tarilgan masalalarni tegishli tashkilotlar bilan hamkorlikda hal etish, muammolarni o‘rganib chiqish va amaliy yordam ko‘rsatish bo‘yicha zarur choralar ko‘rilishi ta’kidlandi. 

Uchrashuv ochiq va samimiy muloqot ruhida o‘tdi hamda hududni yanada rivojlantirish bo‘yicha muhim taklif va tashabbuslar bildirildi.