Bugun tuman hokimi, Xalq deputatlari tuman kengashi deputati M.Mirzaeva hamda mas’ul tashkilotlar vakillari
tumandagi yirik loyihalar qurilish jarayonlarini o‘rganib, olib borilayotgan bunyodkorlik ishlarini ko‘zdan kechirdilar. 

Xususan, Davlatobod tumanidagi Turizm ko‘chasida qurilish va obodonlashtirish ishlari bilan tanishildi. 

Uzunligi 3,1 km bo‘lgan yo‘l to‘liq yangilanib, 4 tasmali ko‘rinishda qayta qurilmoqda. Ko‘chaning ikki tomonida zamonaviy piyodalar yo‘laklari, keng yashil hududlar barpo etilmoqda hamda 1400 dona yoritish chiroqlari o‘rnatililishi rejalashtirilgan.

 Shuningdek, ikki dona xavfsiz yer usti piyodalar o‘tish yo‘lagi qurilmoqda. Loyiha qiymati 40,2 mlrd so‘m bo‘lib,
jarayonda 109 ta xonadon va 286 ta noturar ob’yekt ta’mirlanadi, 5 ta yangi ob’yekt va yana 20 ta bino barpo etilishi rejalashtirilgan.