Mahalla hududida aholiga qulay sharoit yaratish, sanitariya holatini yaxshilash hamda obodonlashtirish ishlarini jadallashtirish maqsadida ko‘p qavatli uylar atrofida o‘rganish ishlari olib borildi. Ushbu jarayon Tuman Kengashi deputati P.Tojiboyev nazorati asosida tashkil etildi.

🔹 Chiqindilarni o‘z vaqtida olib chiqish holati o‘rganildi. Ko‘p qavatli uylar hududidagi chiqindi maydonchalari, konteynerlarning tozaligi hamda maishiy chiqindilarni olib chiqish grafigiga amal qilinishi ko‘zdan kechirildi. Shu bilan birga, ayrim joylarda konteynerlar atrofi tozalanishi, chiqindilarni o‘z vaqtida olib chiqish ishlarini yanada kuchaytirish zarurligi ta’kidlandi. Mas’ul tashkilotlarga tegishli ko‘rsatmalar berildi.

🔹 Ko‘p qavatli uylarning ichki yo‘laklari (pod’ezdlari) hamda yerto‘lalari holati ham o‘rganildi. Pod’ezdlarning tozaligi, devor va eshiklarning holati, umumiy foydalanish joylarining sanitariya talablari asosida saqlanishi yuzasidan tahlillar qilindi. Shuningdek, yerto‘lalarda ortiqcha chiqindilar to‘planib qolmasligi, ularning muntazam tozalanib turishi va texnik holati nazorat qilindi.

🔹 Ko‘p qavatli uylar atrofi va tutash hududlarning tozaligi ham alohida e’tiborga olindi. Bolalar maydonchalari, piyodalar yo‘laklari, yashil hududlar hamda umumiy foydalanish maydonlarining ozodaligi ko‘zdan kechirildi. Aholi uchun qulay muhit yaratish maqsadida hududlarni muntazam obodonlashtirib borish muhimligi ta’kidlandi.

🔹 Hududlarning yoritilishi holati ham o‘rganildi. Ayrim joylarda tungi yoritish tizimini yaxshilash, nosoz chiroqlarni ta’mirlash yoki yangilarini o‘rnatish bo‘yicha mas’ul tashkilotlarga tavsiyalar berildi.