Turkiya Respublikasida O‘zbekiston Respublikasi Prezidenti Shavkat Mirziyoyev ishtirokida bo‘lib o‘tgan O‘zbekiston–Turkiya Oliy darajadagi Strategik hamkorlik kengashi yig‘ilishi ikki qardosh davlat o‘rtasidagi tarixiy do‘stlik va o‘zaro ishonchga asoslangan munosabatlarni yanada mustahkamladi. Mazkur uchrashuv siyosiy muloqotni chuqurlashtirish, savdo-iqtisodiy aloqalarni kengaytirish, investitsiyaviy hamkorlikni faollashtirish hamda madaniy-gumanitar sohalardagi aloqalarni rivojlantirishda muhim bosqich bo‘ldi.Yig‘ilish davomida transport-logistika, sanoat, energetika, ta’lim va sog‘liqni saqlash yo‘nalishlarida hamkorlikni kengaytirish masalalariga alohida e’tibor qaratildi. Tomonlar o‘zaro manfaatli loyihalarni jadallashtirish, hududlar o‘rtasidagi aloqalarni mustahkamlash va xalqaro maydonda bir-birini qo‘llab-quvvatlash bo‘yicha qat’iy kelishuvlarga erishdilar.Mazkur yig‘ilish natijalari O‘zbekiston va Turkiya o‘rtasidagi strategik sheriklikni yanada chuqurlashtirishga, qardosh xalqlar manfaatlari yo‘lida uzoq muddatli va barqaror hamkorlikni izchil davom ettirishga mustahkam zamin yaratdi.

Xalq deputatlari Zarafshon shahar kengashi deputati G.Bobomurodova