Xalq deputatlari Guliston shahar Kengashi deputati Nargiza Zafarova Do‘stlik mahallasida mahalla yettiligi hamda saylovchilar bilan uchrashuv o‘tkazdi.

Uchrashuv davomida aholi tomonidan bir qator dolzarb masalalar ko‘tarildi. Jumladan, O‘ng sohil, Murabbiylar va Navqiron ko‘chalariga tungi yoritish chiroqlarini o‘rnatish, Mirishkor, Ravnaq va Turon ko‘chalarini asfaltlash, shuningdek, o‘quvchilar xavfsizligi uchun Ravnaq va Mirishkor ko‘chalarida piyodalar yo‘laklarini qurish bo‘yicha murojaatlar bildirildi.

Shu bilan birga, mahallani oqava suv tarmog‘i bilan ta’minlash masalasi yuzasidan “O‘zsuvloyiha” AJ loyihachisi M.Sobirov hamda viloyat suv boshqarmasi vakili G‘.Xoljigitov bilan ushbu ishlarni amalga oshirish bo‘yicha maslahatlashuvlar olib borildi.

Shuningdek, deputat va mahalla raisi O. Ismoilov tomonidan mahallada qurilayotgan onkologik shifoxonaning bugungi holati joyida o‘rganildi.

Murojaatlar va ko‘tarilgan masalalar deputat nazoratiga olinib, ularning yechimi bo‘yicha tegishli tashkilotlar bilan hamkorlikda ishlar olib borilishi ta’kidlandi.