Xalq deputatlari Parkent tumani Kengashiga 22-“Shampan” saylov okrugidan saylangan deputat Abdullayev Abdulatif Abdumavlon o‘g‘li “Obod” mahallasida joylashgan 58-umumiy o‘rta ta’lim maktabida o‘quvchi-yoshlar hamda pedagog xodimlar ishtirokida o‘tkazilgan ochiq muloqotda ishtirok etdi. Mazkur tadbir davomida “Mahalla yettiligi” tomonidan mahallada amalga oshirilayotgan ishlar muhokama qilindi. Xususan, hududga biriktirilgan profilaktika inspektorining jinoyatchilikka qarshi kurashish, huquqbuzarliklarning oldini olish, ayniqsa qizil va sariq toifadagi hududlarda jinoyatchilikni bartaraf etish bo‘yicha olib borayotgan faoliyati haqida ma’lumotlar berildi. Ochiq muloqot jarayonida o‘quvchi-yoshlar va o‘qituvchilar tomonidan bildirilgan fikr va takliflar tinglandi hamda ularni hal etish yuzasidan tegishli tavsiyalar berildi.