Prezident Shavkat Mirziyoyevning Murojaatnomasi mamlakatimiz taraqqiyotining muhim yo‘nalishlarini belgilab bergani bilan ahamiyatlidir. Ushbu hujjat mazmunini aholi o‘rtasida keng targ‘ib qilish maqsadida shahar Kengashi deputati M.Ergasheva tomonidan uchrashuv va targ‘ibot tadbiri o‘tkazildi.
Tadbirda “O‘zbekiston – 2030” strategiyasining asosiy maqsad va vazifalari, iqtisodiy o‘sishni ta’minlash, yangi ish o‘rinlari yaratish, ta’lim va sog‘liqni saqlash
sifatini oshirish, shuningdek, ekologik barqarorlikni ta’minlash masalalari keng yoritildi.
Deputat Murojaatnomada davlat va xalq o‘rtasidagi ochiq muloqotni mustahkamlash, jamoatchilik nazoratini kuchaytirish hamda davlat xizmatlarini
soddalashtirishga alohida e’tibor qaratilganini ta’kidladi. Tadbir davomida fuqarolar o‘zlarini qiziqtirgan savollarga javob oldilar, taklif va mulohazalar
bildirildi. Yakunda ishtirokchilar Prezident Murojaatnomasi va “O‘zbekiston – 2030” strategiyasi Yangi O‘zbekistonni barpo etish yo‘lida muhim
dastur bo‘lib xizmat qilishini ta’kidlab, belgilangan vazifalar ijrosiga faol hissa qo‘shishga tayyor ekanliklarini bildirdilar.