Туман ҳокимлиги мажлислар залида Олий Мажлис Сенати ташаббуси билан жорий йилнинг 26–28 январь кунлари Тошкент шаҳрида ўтказилган ўқув-семинарда белгиланган топшириқ ва вазифалар ижросини таъминлаш масалаларига бағишланган семинар-йиғилиш бўлиб ўтди.

Семинар-йиғилишда халқ депутатлари туман Кенгаши раиси А.Худайбердиев раислик қилди. Унда халқ депутатлари туман Кенгаши депутатлари иштирок этди.

Йиғилиш давомида ўқув-семинар якуни бўйича белгиланган вазифаларни жойларда самарали ижро этиш, қонун ҳужжатларининг мазмун-моҳиятини амалиётга тўлиқ татбиқ қилиш, депутатлик назоратини кучайтириш масалалари юзасидан атрофлича фикр-мулоҳазалар билдирилди.

Шунингдек, Кенгаш раиси А.Худайбердиев томонидан 2026 йилга мўлжалланган устувор вазифалар, ижтимоий-иқтисодий ривожланиш йўналишлари, аҳоли билан ишлаш тизимини такомиллаштириш ҳамда жамоатчилик назоратини кучайтириш борасида белгиланган режалар ҳақида маълумот берилди.

Семинар якунида масъулларга белгиланган топшириқларни ўз вақтида ва сифатли ижро этиш, амалга оширилаётган ишлар бўйича мунтазам ҳисобот бериб бориш вазифалари юклатилди.