Kuni kecha Oliy Majlis Qonunchilik palatasi deputatlari Mohira Xodjayeva va Jasur Jumayev, shuningdek O‘zbekiston Ekologik partiyasi Toshkent viloyati Kengashi mas’ul xodimlari ishtirokida Bo‘stonliq tumani hokimiyatida fuqarodan kelib tushgan murojaat atroflicha ko‘rib chiqildi.

 O‘rganish jarayonida tuman hokimligi mas’ul xodimlari bilan birgalikda murojaatning mazmun-mohiyati tahlil qilinib, ularni qonunchilik asosida hal etish bo‘yicha aniq chora-tadbirlar belgilandi. Jumladan, tuman kadastr va prokuratura organlari xodimlariga mavjud muammolarni bartaraf etish yuzasidan tegishli tavsiya va ko‘rsatmalar berildi.

 Mazkur o‘rganish ishlari fuqarolarning murojaatlarini o‘z vaqtida ko‘rib chiqish, ularning huquq va qonuniy manfaatlarini himoya qilish hamda mas’ul idoralar faoliyatida ochiqlik va mas’uliyatni kuchaytirishga qaratildi. Natijada fuqarolarning murojaatlari e’tiborsiz qolmadi va ularning yechimi bo‘yicha amaliy ishlar boshlab yuborildi.