"Ózbekstan - 2030" strategiyasın jetilistiriw máseleleri dodalandı

Búgin Xalıq deputatları Nókis rayonlıq Keńesi deputatları hám jaslar máslahat toparı qatnasıwında "Ózbekstan - 2030" strategiyasın jetilistiriwdiń mazmun-mánisi hám onıń ámeliy áhmiyetine baǵıshlanǵan májilis bolıp ótti.

Májilis dawamında Strategiyada belgilengen tiykarǵı baǵdarlardı bunnan bılay da jetilistiriw, aymaqlardı sociallıq-ekonomikalıq rawajlandırıw, xalıqtıń turmıs dárejesin arttırıw hám ámelge asırılıp atırǵan reformalardıń nátiyjeliligin kúsheytiw máseleleri hár tárepleme dodalandı.

Xalıq deputatları tárepinen xalıqtan kelip túsken pikir-usınıslar tiykarında anıq baslamalar alǵa qoyılıp, Strategiyanı ámelge asırıwda jergilikli Keńeslerdiń ornı hám juwapkershiligin arttırıw boyınsha pikirler bildirildi.

Májilis juwmaǵında bildirilgen pikir-usınıslar ulıwmalastırılıp, tiyisli tártipte joqarı shólkemlerge kirgiziliwi belgilendi.