Xalq deputatlari Toshloq tuman Kengashi raisi T.Soliyev va soha mutaxassislari ishtirokida maktabgacha ta’lim muassasalarida “Aholining sanitariya-epidemiologik osoyishtaligi to‘g‘risida”gi O‘zbekiston Respublikasi Qonuni ijrosi yuzasidan amalga oshirilayotgan ishlar o‘rganildi.

O‘rganishda muassasada sanitariya-gigiyena talablariga rioya etilishi, oshxona va oziq-ovqat mahsulotlarining saqlanish holati, tibbiy xizmat ko‘rsatish sifati hamda xodimlarning sanitariya qoidalariga amal qilishi alohida e’tibor markazida bo‘ldi.

Shuningdek, bolalarga yaratilgan sharoitlar, jumladan, guruh xonalarining jihozlanishi, tozalik darajasi, o‘yin maydonchalari hamda tarbiyaviy jarayonning tashkil etilishi ham atroflicha ko‘zdan kechirildi.

Uchrashuv yakunida muassasada sog‘lom va xavfsiz muhitni ta’minlash borasidagi ishlarni yanada kuchaytirish lozimligi qayd etildi.