O'smat shaharchasida xalq deputatlari tuman Kengashi deputati, tuman hokimi A. Ergashev tomonidan saylovchilar bilan uchrashuv o‘tkazildi.

Uchrashuv davomida saylovchilar tomonidan bildirilgan murojaatlar har tomonlama o‘rganilib, ularning mazmun-mohiyatidan kelib chiqib tegishli choralar belgilandi. Xususan, ijtimoiy soha, bandlik, kommunal xizmatlar, infratuzilma hamda boshqa dolzarb yo‘nalishlarga oid masalalar ko‘rib chiqildi.

Murojaatlarning bir qismi joyida hal etilib, fuqarolarga zarur tushuntirish va amaliy yordamlar ko‘rsatildi. Qo‘shimcha o‘rganish talab etiladigan masalalar yuzasidan esa mas’ul tashkilotlar rahbarlariga aniq topshiriqlar berilib, ularning ijrosi qat’iy nazoratga olindi.

Shuningdek, har bir murojaatni o‘z vaqtida va sifatli hal etish, fuqarolarning qonuniy manfaatlarini ta’minlash hamda ularning turmush sharoitini yaxshilash ustuvor vazifa ekani alohida ta’kidlandi.