Xalq deputatlari Parkent tuman Kengashiga 23-Nomdanak saylov okrugidan saylangan deputat, tuman hokimi Po‘latov Elmurod To‘xtaboevich hamda tuman Kengashi raisi Dadamatov Faxritdin Janobovichlar tomonidan tumanimizdagi “Qo‘rg‘ontepa” hamda “Qayilma” mahalla fuqarolar yig‘inlarida bo‘lib, aholi murojaatlari joyiga chiqib o‘rganildi. O‘rganishlar davomida “Qayilma” MFYda istiqomat qiluvchi fuqaroning xonadonida yuzaga kelgan yong‘in oqibatida uy-joyga jiddiy zarar yetgani aniqlandi. Shu munosabat bilan tuman hokimi va Kengash raisi voqea joyiga borib, holatni atroflicha ko‘zdan kechirdi hamda jabrlangan
oilaning yashash sharoiti bilan yaqindan tanishdi. Hokimiyat va Kengash hamkorligida mutasaddi tashkilotlarga yetkazilgan zararni bartaraf etish, xonadonni tiklash hamda fuqaroga amaliy yordam ko‘rsatish bo‘yicha aniq topshiriqlar berildi. Shuningdek, jabrlangan oilaga zarur ko‘mak ko‘rsatilishi, ularning muammolari doimiy e’tiborda bo‘lishi alohida ta’kidlandi. Mazkur hamkorlikdagi o‘rganishlar hokimiyat va Kengashning aholi murojaatlariga befarq emasligi, fuqarolar muammolarini hal etishda tizimli va amaliy yondashuv yo‘lga qo‘yilganini ko‘rsatadi.