Deputatlar uchin seminar

Xalq deputatlari Xo‘jayli tuman Kengashi va Kengash kotibiyati tomonidan tuman Kengashi deputatlari uchun seminar tashkil etildi. Seminar davomida Kengash raisi I.Kochkarov tomonidan deputatlarning faolligini oshirish, olib borishi lozim bo‘lgan ishlar hamda deputatlik faoliyati bobida zarur bo‘ladigan qonun, farmonlar haqida ma’lumotlar berib o‘tildi.

Seminarda tuman Kengashi kotibiyati mudiri A.Xudaybergenov Xalq deputatlari viloyat, tuman va shahar Kengashi deputatining maqomi to‘g‘risida O‘zbekiston Respublikasining qonuni mazmun-mohiyati hamda boshqa zarur bo‘lgan qonun, qarorlar haqida tushunchalar berib o‘tdi.

Tuman Kengashi kotibiyati bosh mutaxassisi R.Torenov tomonidan deputatlarga deputatlik hamda deputatlik faoliyati bobida zarur bo‘ladigan qonun, qarorlar haqida ma’lumot berilib, qo‘llanmalar tarqatildi.

Seminar davomida deputatlarga muammoli vaziyatlardan chiqish, qonuniy yo‘llarini topish bo‘yicha keyslar berilib, interaktiv usullardan foydalanildi.