Xalq deputatlari Buloqboshi tumani Kengashi 12-Sarbontepa saylov okrugi deputati O‘.Sayidaliyev hududdagi 22-maktab o‘quvchilari bilan uchrashib, jamiyatda dolzarb bo‘lib turgan ikki muhim masala — jinoyatchilikning oldini olish va yo‘l-transport hodisalarining halokatli oqibatlari haqida suhbatlashdi. 

Uchrashuv davomida o‘quvchilarga qonunlarga hurmat bilan qarash, huquqbuzarliklardan yiroq bo‘lish hamda har bir inson o‘z xatti-harakati uchun javobgar ekanligi alohida ta’kidlandi.

Deputat yoshlar orasida sodir etilayotgan jinoyatlar ko‘pincha maktab o‘quvchilari ekani achinarli holatdaligi ularning beparvolik, noto‘g‘ri muhit va yetarli tushunchaning yo‘qligi sabab yuzaga kelishini aytib o‘tdi. Shu boisdan o‘quvchilarni bo‘sh vaqtlarini mazmunli o‘tkazish, sport va ta’limga e’tibor qaratish, ijobiy do‘stlar orttirishga chaqirdi.

Shuningdek, maktab qatnov yo‘li yoqasida bo‘lganligi va yo‘l harakati qoidalariga amal qilishning ahamiyati haqida ham batafsil to‘xtalib o‘tildi. Har yili ko‘plab yo‘l-transport hodisalari inson hayotiga zomin bo‘layotgani, ayniqsa yoshlar orasida bunday holatlar ko‘p uchrayotgani afsus bilan qayd etildi. O‘quvchilarga piyodalar uchun belgilangan qoidalarga amal qilish, yo‘lni faqat belgilangan joylardan kesib o‘tish va transport vositalarida xavfsizlik choralariga rioya qilish zarurligi tushuntirildi.

BIZNI IJTIMOIY TARMOQLARDA KUZATING;

📱 Web.sayt (http://kengash.gov.uz/) 📱 Telegram (http://t.me/kengash_buloqboshi) 📱 Facebook (https://www.facebook.com/) 📱 Youtube (https://www.youtube.com/@Kengash_Buloqboshi) 📱 Instagram (https://www.instagram.com/@Kengash_buloqboshi)