🏛 Xalq deputatlari Toshkent shahar Kengashi raisining 2025-yil 29-apreldagi 18-14-0-F/25-son farmoyishiga muvofiq, Kengash kotibiyati xodimlari tomonidan deputatlarga amaliy yordam ko‘rsatish ishlari izchil davom etmoqda.

👥 Jumladan, Xalq deputatlari Toshkent shahar Kengashi kotibiyati bosh mutaxassisi Sarvar Irgashev hamda Uchtepa tuman Kengashi kotibiyati mudiri Anvar Usmanov bilan birgalikda 22-Bog‘dod saylov okrugidan saylangan deputat Ziyodullayev Ulug‘bekning okrugidagi Davlatobod mahallasida mahalla faollari, fuqarolar hamda mahalla “yettiligi” a’zolari ishtirokida uchrashuv tashkil etildi.

📝 Uchrashuv davomida Mahalliy Kengash deputati faoliyatining eng muhim 24 ta yo‘nalishi doirasidagi masalalar atroflicha muhokama qilinib, ayniqsa yoshlar bandligi, ijtimoiy xizmatlar sifati, kommunal infratuzilma, yo‘llar holati, hudud obodonchiligi, jamoat transporti, tibbiy xizmatlar hamda aholi turmush darajasiga bevosita ta’sir qiluvchi boshqa dolzarb yo‘nalishlarga alohida e’tibor qaratildi.

🔎 Shuningdek, mahalla yettiligi tomonidan amalga oshirilayotgan ishlar samaradorligi, hududdagi mavjud muammolar hamda ularni bartaraf etish bo‘yicha takliflar tinglandi. Har bir masala yuzasidan aniq chora-tadbirlar belgilab olinib, ularning ijrosi deputatlik nazoratiga olindi.

🤝 Uchrashuv yakunida ko‘tarilgan muammolarni bosqichma-bosqich hal etish, zarur hollarda deputatlik so‘rovlari kiritish hamda mutasaddi tashkilotlar bilan hamkorlikni kuchaytirish bo‘yicha kelishuvlarga erishildi.

📌 Mazkur uchrashuv aholi bilan ochiq muloqotni yo‘lga qo‘yish, ularning muammolarini joyida aniqlash va tezkor yechim topishga qaratilgan samarali platforma bo‘lib xizmat qildi.

📱 Telegram (https://t.me//poytaxt_deputatlari) 📱 Instagram (https://www.instagram.com/poytaxt_deputatlari) 📱 Facebook (https://www.facebook.com/poytaxtdeputatlari) 📱 YouTube (https://www.youtube.com/@poytaxtdeputatlari) 🔎 E-kengash (https://kengash.gov.uz/news?region_id=14&authority_id=424)

Slide 1 of 7