📍 Hududlarda o‘rganish ishlari davom etmoqda

Xalq deputatlari Yakkasaroy tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi a’zolari hududlarda holat yuzasidan tegishli o‘rganish ishlarini olib bormoqda.

Bugun Doimiy komissiya a’zolari Xusainov Abdixalik Nabiyevich, Xallakov Baxodirjon Abdukaxorovich, Fazilov Ramiz Yasharovich, Suleymanova Muyassarxon Nizamovna, Iskandarov Albert Shoyimovich, Xalq deputatlari Yakkasaroy tumani Kengashi kotobiyati bosh mutaxassisi Axmedjanova Xurriyat Faxritdinovna Yakkasaroy tumanida o‘rganishlar olib bordilar.

O‘rganishlar davomida Yakkasaroy tumani Favqulodda vaziyatlar bo‘limida bo‘lib, bo‘lim boshlig‘i o‘rinbosari, kapitan Qodirov Azizbek Ro‘zimat o‘g‘li bilan uchrashildi hamda quyidagi yo‘nalishlarda amalga oshirilayotgan ishlar atroflicha o‘rganildi:

🔥 Xonadonma-xonadon yurilib, aholiga yong‘in xavfsizligi bo‘yicha profilaktik tushuntirish ishlari olib borilayotgani;

🚒 Tashkilotlarda tekshiruvlar o‘tkazilib, yong‘in sodir bo‘lganda birinchi navbatda amalga oshirilishi lozim bo‘lgan choralar bo‘yicha yo‘riqnomalar berilayotgani;

📊 Har kunlik amalga oshirilgan ishlar yuzasidan hisobotlar rahbariyatga taqdim etib borilayotgani;

🏢 Tumandagi barcha tashkilotlar yong‘in xavfsizligi talablariga muvofiqligi, zarur anjomlar bilan ta’minlanganligi yuzasidan muntazam nazorat olib borilayotgani;

Shuningdek, Yakkasaroy tumanidagi “Askiya” dehqon bozori hududida ayrim savdo joylarining vaqtincha yopilgani sabablari ham o‘rganildi. Mutaxassislar tomonidan mazkur holat yong‘in xavfsizligi talablariga javob bermaganligi bilan izohlanib, hozirda kamchiliklarni bartaraf etish ishlari olib borilayotgani ma’lum qilindi.

📝 Komissiya a’zolari tomonidan Favqulodda vaziyatlar bo‘limi faoliyati yuzasidan hisobotni Xalq deputatlari tuman Kengashi sessiyasida eshitish taklifi ilgari surildi.

Hududlarda xavfsizlikni ta’minlash, profilaktik ishlarni kuchaytirish va mavjud kamchiliklarni bartaraf etish bo‘yicha o‘rganishlar davom ettirilmoqda.