Tuman Kengashi deputati mahalla yettiligi faoliyati bilan tanishdi

Xalq deputatlari Uzun tuman Kengashiga 14-"Chaqar" saylov okrugidan saylangan deputat Shuxrat Raxmonov "Chaqar" mahallasida bo‘lib, mahalla yettiligi faoliyati bilan yaqindan tanishdi. Tashrif davomida fuqarolar yig‘ini raisi, hokim yordamchisi, yoshlar yetakchisi, xotin-qizlar faoli va boshqa mas’ullar tomonidan amalga oshirilayotgan ishlar yuzasidan hisobotlar tinglandi.

Uchrashuvda quyidagi masalalarga alohida e’tibor qaratildi:

Aholini ijtimoiy qo‘llab-quvvatlash va ehtiyojmand oilalar bilan ishlash

Yoshlar bandligini ta’minlash va ularni kasb-hunarga yo‘naltirish

Xotin-qizlar faolligini oshirish va ularning muammolarini hal etish

Hududda obodonlashtirish va infratuzilmani yaxshilash ishlari

Deputat mahalla yettiligi tomonidan amalga oshirilayotgan ishlarni ijobiy baholab, mavjud muammolarni tizimli hal etish bo‘yicha tegishli tavsiyalar berdi.