Xalq deputatlari Shahrisabz tumani Kengashi hamda “Madad” nodavlat notijorat tashkilotining Huquqiy maslahat byurosi o‘rtasida Hamkorlik memorandumi imzolandi.

Ushbu hujjat shunchaki kelishuv emas, balki Shahrisabz tumani ahli uchun bepul huquqiy yordam tizimini yangi bosqichga olib chiquvchi amaliy qadamdir.

Hamkorlik doirasidagi muhim vazifalar:

✅ Bepul yuridik yordam: Ehtiyojmand aholiga birlamchi huquqiy maslahatlar berish tizimi soddalashtiriladi.

✅ Sifatli qonunchilik: Mahalliy Kengash qarorlari va dasturlari loyihalarini ishlab chiqishda professional huquqiy ekspertiza kuchaytiriladi.

✅ Malaka va mahorat: Deputatlar va kotibiyat xodimlarining huquqiy bilimlarini oshirish bo‘yicha o‘quvlar tashkil etiladi.

✅ Huquqiy madaniyat: Mahallalarda aholining huquqiy savodxonligini yuksaltirishga qaratilgan targ‘ibot tadbirlari o‘tkaziladi.