Bugun Mirobod tumanida Mahallalarda yoshlar bilan ishlash masalalarini muvofiqlashtirish bo‘yicha Respublika komissiyasi ishchi guruhi hamda DXX xodimlari tomonidan PQ–62-sonli qarori ijrosi doirasida yoshlar tadbirkorligini rivojlantirish maqsadida ajratilgan imtiyozli kreditlar holati atroflicha o‘rganildi.

O‘rganishlar davomida ajratilgan mablag‘larning maqsadli sarflanishi, yoshlarga tadbirkorlik faoliyatini yo‘lga qo‘yishda yaratilgan sharoitlar, yuzaga kelayotgan muammolar va ularning bartaraf etilishi holatlari yuzasidan tahlillar o‘tkazildi.

Shuningdek, kredit olgan yosh tadbirkorlarning loyihalarining amaldagi holati, bandlik darajasi va iqtisodiy samaradorligi to‘g‘risida fikr-mulohazalar olindi. 

Shu kunning o‘zida, ishchi guruh tomonidan O‘zbekiston Respublikasi Prezidentining 2024-yil 5-apreldagi PQ–153-sonli qarori ijrosi doirasida, tumanda yoshlarga yer ajratish orqali ularning daromadlarini oshirish va bandligini ta’minlash bo‘yicha amalga oshirilgan ishlar ham ko‘zdan kechirildi.