Bugungi kunda Oqoltin tumanida asosiy iqtisodiy tayanch – qishloq xo‘jaligi. Shuning uchun forumda qishloq xo‘jaligi va oziq-ovqat sanoatiga yo‘naltirilgan investitsiyalarni ko‘rish – biz uchun g‘oyat muhim. Misrlik "Nil Sugar" kompaniyasining $500 millionlik loyihasi orqali O‘zbekistonda
shakar ishlab chiqarish quvvatlari keskin ortadi. Bu Oqoltin singari agrar tumanlar uchun imkoniyatlar eshigini ochadi. 

  Shuningdek, irrigatsiya tizimlarini yangilash, tomchilatib sug‘orish texnologiyalarini joriy etish orqali suvdan unumli foydalanish, ekinlar hosildorligini oshirish mumkin. Zamonaviy texnika vositalariga investitsiya kiritilishi esa bandlikni ko‘paytiradi va mehnat unumdorligini oshiradi. Bunday islohotlar nafaqat Oqoltin, balki Sirdaryo viloyatining umumiy qishloq xo‘jalik salohiyatini oshiradi. 

  Bu investitsiyalar ortidan xalqaro eksport bozorlariga chiqish imkoniyati ham paydo bo‘ladi. Ya’ni, mahsulot yetishtirib ichki ehtiyojni to‘ldiribgina
qolmay, xorijga chiqarish bilan valyuta oqimi ta’minlanadi.