Dolzarb 90 kunlik 

O'zLiDeP Oltiariq tuman Kengashi hamda tuman deputatlari tashabbusi bilan "Dolzarb 90 kunlik" loyihasi doirasidagi tadbirlarni tashkillash maqsadida, Oltiariq yozgi bolalar oromgohiga tashrif buyurishib, u yerdagi sharoitlar bilan tanishdilar.  

 Oromgohda dam olayotgan bolalar bilan suhbatlashib, kitobxonlik va sportni targ'ib qiluvchi tadbirlar tashkilladilar. Tashrif
davomida vakillar bolalarning bo‘sh vaqtlarini mazmunli o‘tkazishlari uchun qator tashabbuslarni ilgari surdilar. Jumladan, har haftalik kitob o‘qish marafonlari, sport musobaqalari, va turli intellektual o‘yinlar tashkil etilishi rejalashtirildi. 

 Shuningdek, "Dolzarb 90 kunlik" loyihasi doirasida yoshlarda vatanparvarlik, sog‘lom turmush tarzi va ma’naviy-axloqiy qadriyatlarnimustahkamlashga qaratilgan suhbatlar va treninglar o‘tkazildi. Bolalar O‘zbekistonning buyuk ajdodlari, ularning ilm-fan, madaniyat va sportdagi yutuqlari haqida ma’lumotlar olishdi. 

Tadbir yakunida vakillar oromgoh ma’muriyatiga esdalik sovg‘alari, badiiy va ilmiy-ommabop adabiyotlar jamlanmasini topshirishdi. Oromgohda yaratilgan shart-sharoitlar, tarbiyaviy ishlar va bolalarning kayfiyati yuqori baholandi. Bunday
tashriflar muntazam tashkil etilishi belgilandi va bu orqali yoshlarda kitobxonlik, sportga qiziqish hamda ma’naviy ongni oshirishga xizmat qiluvchi chora-tadbirlar davom ettiriladi.