araqalpaqstan Respublikası Joqarǵı Keńesiniń deputatı, ÓzXDP frakciyası aǵzası B.Utambetova, Xalıq deputatları Moynaq rayonlıq Keńesiniń 5-Aq-qala saylaw okrugi deputatı M.Dauletov óz saylaw okruginde tiyisli taraw wákilleriniń qatnasıwında usı jıldıń 9 ayı dawamında ámelge asırılǵan jumıslar boyınsha saylawshılarǵa esabat berdi.

Esabat dawamında deputatlar tárepinen saylawshılar menen islesiw, olardıń múrájatların úyreniw hám bar mashqalalardı sheshiw baǵdarında ámelge asırılǵan jumıslar, sonday-aq Prezidentimizdiń basshılıǵında elimizdiń rawajlanıwı hám xalıqtıń turmıs abadanlıǵın támiyinlew baǵdarında alıp barılıp atırǵan reformalardıń mazmun-mánisi, ásirese, Qaraqalpaqstan ushın qabıl etilgen párman hám qararlar tiykarında ámelge asırılıp atırǵan jumıslar haqqında tolıq maǵlıwmat berdi.

Deputatlıq jumısınıń áhmiyetli baǵdarlarınan biri saylawshılar menen turaqlı pikirlesiw, olardıń mashqalaların ornına shıqqan halda úyreniw hám sheshiw boyınsha ámeliy ilajlar kóriw esaplanadı.