Mazkur tadbir doirasida Sirdaryo viloyatidan Xalq deputatlari Sardoba tumani Kengashi kotibiyat mudiri Q.O‘tayev Andijon viloyati Qo‘rg‘ontepa tumaniga tashrif buyurib, Xalq deputatlari Qo‘rg‘ontepa tumani Kengashi faoliyati bilan yaqindan tanishdi.
Tashrif davomida Kengash kotibiyatining ish jarayoni, deputatlar faoliyatini tashkiliy jihatdan ta’minlash, doimiy komissiyalar ishini samarali tashkil etish, deputatlik nazoratini kuchaytirish hamda aholi bilan muloqotni samarali yo‘lga qo‘yish borasidagi ilg‘or tajribalar o‘rganildi.
Shuningdek, mahalliy Kengashlar faoliyatida samaradorlikni oshirishga qaratilgan zamonaviy yondashuvlarni amaliyotga joriy etish, mavjud tajribalarni o‘zaro ommalashtirish va hamkorlikni yana-da kuchaytirish yuzasidan fikr va takliflar almashildi.
Tajriba almashinuvi yakunida mahalliy Kengashlar faoliyatini yana-da takomillashtirish, deputatlik korpusining samaradorligini oshirish hamda aholi manfaatlariga xizmat qiladigan ish usullarini keng joriy etish muhim vazifa ekanligi ta’kidlandi.