Deputat xalıq penen ushırastı

Xalıq deputatları Shımbay rayonlıq Keńesine 17-sanlı “Sh.Rashidov” saylaw okruginen saylanǵan deputat J.Alieva tiyisli taraw wákilleri menen birgelikte “Shaxtemir” MPJ da bolıp, usı aymaqta jasawshı xalıq penen ashıqtan-ashıq sóylesiw ótkerdi. Ushırasıw dawamında puqaralardıń kúndelikli turmısı, sociallıq-turmıslıq sharayatı, bar mashqalaları hám olardı qıynap atırǵan máseleler hár tárepleme úyrendi.

Sonıń menen birge, xalıqtıń jollardı ońlaw, ishimlik suwı támiynatın jaqsılaw, abadanlastırıw, elektr energiyası hám basqa da infrastruktura máseleleri boyınsha bildirilgen múrájat hám usınısları tıńlandı. Sonday-aq, sociallıq járdemge mútáj shańaraqlardı qollap-quwatlaw, bántlikti támiyinlew hám xalıqtıń dáramatların arttırıw máselelerine de ayrıqsha itibar qaratıldı.
Ushırasıw juwmaǵında bildirilgen hár bir múrájattı tiyisli tártipte úyreniw, mashqalalardı juwapker shólkemler menen birgelikte sheshiw hám orınlanıwın qadaǵalaw boyınsha zárúr ilajlar belgilep alındı.