Xalq deputatlari Bekobod tumani Kengashiga Oʻzbekiston Xalq demokratik partiyasidan saylangan deputat S.Xidirova hamda Kengash kotibiyati bosh mutaxassisi A.Utegenov Bekobod tumani Davlat xizmatlari markazida boʻlib, aholiga koʻrsatilayotgan davlat xizmatlari sifati va xizmat koʻrsatish jarayonini oʻrgandilar.

Oʻrganish davomida fuqarolar uchun yaratilgan sharoitlar, xizmatlarning tezkorligi va qulayligi, shuningdek, murojaatchilarga xizmat koʻrsatish sifati yuzasidan kuzatuvlar olib borildi.

🤝 Aholiga sifatli va zamonaviy davlat xizmatlarini taqdim etish, fuqarolar manfaatlarini himoya qilish hamda mavjud muammolarni oʻz vaqtida aniqlash va bartaraf etish borasidagi bunday oʻrganishlar muntazam davom ettiriladi.