Tashrif davomida deputat xonadonma-xonon yurib, aholining yashash sharoitlari, ularni qiynab kelayotgan ijtimoiy-maishiy muammolar bilan yaqindan tanishdi. Samimiy muloqot chog‘ida fuqarolar tomonidan uy-joyni ta’mirlash, moddiy yordam ajratish, shuningdek, hududdagi kommunal soha (elektr energiyasi, ichimlik suvi, tabiiy gaz va boshqa xizmatlar) faoliyatidagi mavjud kamchiliklar yuzasidan murojaatlar bildirildi.
Har bir murojaat va ko‘tarilgan muammolar deputatning shaxsiy murojaatlar daftariga belgilangan tartibda qayd etildi. Aholining haqoratli va qonuniy talablarini tezkor hamda ijobiy hal etish maqsadida tegishli mutasaddi tashkilotlarga deputatlik so‘rovlari yuborilishi belgilab olindi.
Ushbu “Ko‘chama-ko‘cha” tamoyili asosida tashkil etilgan uchrashuvlar fuqarolarning muammolarini joyida aniqlash, ularni hal etish choralarini ko‘rish hamda aholi bilan davlat idoralari o‘rtasidagi muloqotni yanada mustahkamlashda muhim ahamiyat kasb etadi. Deputat tomonidan mazkur masalalar ijrosi qat’iy nazoratga olinishi ta’kidlandi.