O‘zbekiston Respublikasi Oliy Majlisi Senati Kengashining 2024-yil 4-apreldagi “Mahallalardagi muammolarni hal etishda xalq deputatlari mahalliy Kengashlari deputatlari va senatorlarning “Mahalla yettiligi” bilan o‘zaro hamkorligini yo‘lga qo‘yish chora-tadbirlari to‘g‘risida”gi KQ-706-IV-sonli qarori ijrosini ta’minlash maqsadida Xalq deputatlari Parkent tuman Kengashiga 19-“Chashma” saylov okrugidan saylangan deputat Xojiboyev Jalol Xotamboyevich tomonidan o‘zi saylangan hududdagi “Chashma” mahallasida aholi bandligi, yoshlarni qo‘llab-quvvatlash va ularning muammolarini o‘rganishga qaratilgan amaliy ishlar olib borildi.O‘rganishlar davomida mahalla yoshlar yetakchisi O.Qobulova tomonidan “Yoshlar daftari”ga kiritilgan yoshlarga ko‘rsatilayotgan yordamlar, amalga oshirilgan ishlar hamda o‘tkazilgan tadbirlar yuzasidan
ma’lumot berildi.Ta’kidlanganidek, joriy yil boshidan buyon 15 nafar yoshning bandligi ta’minlangan. Shuningdek, nogironligi bo‘lgan yoshlar bilan manzilli ishlash, ularni ijtimoiy qo‘llab-quvvatlash, avtomototransport
vositalari haydovchilarini tayyorlash o‘quv kurslari xarajatlarini qoplab berish yo‘nalishida ham tegishli ishlar amalga oshirilgan. Mazkur yo‘nalishda 1 nafar yoshning o‘quv kursida tahsil olayotgani qayd etildi.Yoshlarni tadbirkorlikka jalb etish va ularning bandligini ta’minlash maqsadida 2 nafar yoshga jami 100 million so‘mlik imtiyozli kredit olishda amaliy ko‘mak ko‘rsatilgan.Shuningdek, yoshlarning bo‘sh vaqtini mazmunli tashkil etish, ularning iqtidor va salohiyatini ro‘yobga chiqarishga qaratilgan tadbirlar hamda “Besh tashabbus olimpiadasi” doirasida olib borilgan targ‘ibot ishlari natijasida 1 nafar yosh viloyat bosqichida 1-o‘rinni qo‘lga kiritgani qayd etildi.Bundan tashqari, 4 nafar yoshni kasb-hunarga o‘qitishga yo‘naltirish bo‘yicha tegishli yo‘llanmalar berilgan. Yoshlarning harbiy-vatanparvarlik ruhini yuksaltirish va ularni qo‘llab-quvvatlash maqsadida esa 1 nafar yosh safarbarlik chaqiruvi rezervidagi harbiy xizmatni bepul o‘tashi uchun belgilangan tartibda yo‘naltirilgan.O‘rganish yakunida yoshlar bilan ishlash samaradorligini yanada oshirish, ularning bandligini ta’minlash, kasb-hunarga yo‘naltirish hamda mavjud muammolarni “Mahalla yettiligi” bilan hamkorlikda manzilli hal etish bo‘yicha tegishli vazifalar belgilab olindi.