Sessiya davomida:
O‘zbekiston Respublikasi Prezidenti qarorlari ijrosi yuzasidan shahar hokimi, shahar prokurori hamda mas'ul rahbarlarning hisobot va axborotlari eshitildi;
mahalliy budjet mablag‘laridan samarali foydalanish, "Tashabbusli budjet" loyihasi, "Infratuzilma va ijtimoiy barqarorlik" jamg‘armasi mablag‘larini yo‘naltirish hamda xususiylashtirish dasturi ijrosi muhokama qilindi;
hududda investitsiya loyihalarini jadallashtirish, yangi ish o‘rinlari yaratish, eksport salohiyatini oshirish va aholi bandligini ta'minlash yuzasidan aniq vazifalar belgilandi;
mahallalarda xavfsiz muhitni yaratish, huquqbuzarliklar profilaktikasini kuchaytirish, yo‘l harakati xavfsizligini ta'minlash hamda fuqarolar murojaatlari bilan ishlash samaradorligini oshirishga qaratilgan qarorlar qabul qilindi;
deputatlik so‘rovlari ijrosi, Kengash qarorlariga o‘zgartirish va qo‘shimchalar kiritish hamda Senat Kengashining qarori asosida aholi murojaatlari va mansabdor shaxslarning hisobotlarini eshitish tartibi tasdiqlandi.
💬 Muhokamalar davomida deputatlar tomonidan dolzarb masalalar yuzasidan qator savollar, taklif va tavsiyalar bildirildi. Har bir masala atroflicha muhokama qilinib, tegishli qarorlar qabul qilindi hamda mas'ul tashkilotlar oldiga aniq vazifalar qo‘yildi.
🤝 Sessiyada qabul qilingan qarorlar Termiz shahrining barqaror ijtimoiy-iqtisodiy rivojlanishini ta'minlash, aholi farovonligini oshirish, ochiqlik va hisobdorlik tamoyillarini mustahkamlash hamda deputatlik nazoratini yanada kuchaytirishga xizmat qiladi.