Xalq deputatlari Qo‘qon shahar Kengashining 3-"Achchiqko'l" saylov okrugidan saylangan deputati M.Mavlonkulov tomonidan saylovchilar bilan o‘tkazilgan uchrashuvlar va fuqarolar qabullari davomida bildirilgan murojaatlar asosida deputat so‘rovi yuborildi.

Xususan, "Uzumzor" mahalla fuqarolar yig‘ini aholisi tomonidan Ittifoq ko‘chasida joylashgan chiqindixonada chiqindi qutilari sonini ko‘paytirish hamda mavjud qutilarni ta’mirlash ishlari talab darajasida olib borilmayotgani yuzasidan murojaat bildirildi.

Murojaatni atroflicha o‘rganish natijasida deputat tomonidan Qo‘qon shahar hokimining o‘rinbosari nomiga deputat so‘rovi yuborilib, mazkur hududda chiqindilarni yig‘ish tizimini takomillashtirish, qo‘shimcha chiqindi qutilarini o‘rnatish, mavjudlarini ta’mirlash hamda chiqindixonaning faoliyatini amaldagi qonunchilik talablari asosida tashkil etish yuzasidan zarur choralar ko‘rish so‘raldi.

Shuningdek, mas’ul tashkilotlar tomonidan sanitariya va obodonlashtirish ishlarini kuchaytirish, aholi uchun qulay va toza ekologik muhitni ta’minlash hamda murojaatda ko‘tarilgan masalani belgilangan tartibda ijobiy hal etish yuzasidan tegishli vazifalar ilgari surildi.

Fuqarolarning murojaatlarini o‘z vaqtida ko‘rib chiqish, ularning qonuniy manfaatlarini himoya qilish hamda hududdagi mavjud muammolarni bartaraf etish maqsadida mazkur masala deputat nazoratiga olindi.

Xalq deputatlari Qo‘qon shahar Kengashi