СОҲИЛ МАҲАЛЛАСИДА АҲОЛИ МУРОЖААТЛАРИ ЎРГАНИЛДИ
Халқ депутатлари Янгиқўрғон тумани Кенгаши депутати Садриддинов Маъруфжон томонидан сайлов округи ҳудудида кўчама-кўча ўрганиш ишлари давом эттирилмоқда.
Навбатдаги ўрганишлар Соҳил маҳалла фуқаролар йиғинида ўтказилиб, аҳоли билан бевосита мулоқот қилинди ҳамда уларнинг мурожаат ва таклифлари тингланди.
Айни пайтда маҳаллада «Янги Ўзбекистон қиёфасидаги маҳалла» дастури доирасида 1 километр узунликдаги пиёдалар йўлакчасини барпо этиш ишлари олиб борилмоқда.
Фуқаролар томонидан мазкур пиёдалар йўлаги бўйлаб жойлашган 10 та эски электр таянч устунини янгисига алмаштириш, шунингдек, электр симларини янгилаш масаласида мурожаат билдирилди.
Мурожаат депутат томонидан назоратга олиниб, масалани ижобий ҳал этиш юзасидан тегишли ташкилотларга депутатлик сўрови юбориш белгиланди.