O‘zbekiston Respublikasining "Jismoniy tarbiya va sport to‘g‘risida"gi Qonuni fuqarolarning sport bilan shug‘ullanish huquqlarini kafolatlash, sog‘lom turmush tarzini keng targ‘ib etish hamda sport sohasini izchil rivojlantirishning muhim huquqiy asosidir.

Mazkur Qonunga muvofiq, har bir fuqaro jismoniy tarbiya va sport bilan shug‘ullanish, sport inshootlaridan foydalanish, sport ta’limi olish hamda musobaqalarda teng imkoniyatlar asosida ishtirok etish huquqiga ega.

Qonun sport infratuzilmasini rivojlantirish, malakali mutaxassislarni tayyorlash, bolalar va yoshlarni sportga keng jalb etish, sport orqali sog‘lom va faol turmush tarzini qaror toptirishga xizmat qiladi.

Sog‘lom avlodni tarbiyalash, yoshlarning bo‘sh vaqtini mazmunli tashkil etish hamda ommaviy sportni rivojlantirish — jamiyat taraqqiyoti va kelajak avlod salomatligining muhim omilidir.

Xalq deputatlari Qo‘qon shahar Kengashi