Xalq deputatlari Termiz shahar Kengashi raisi D.Normuradova, Kengash kotibiyati mudiri A.Ashurov hamda kotibiyat bosh mutaxassislari ishtirokida “Termiz shahargaz” gaz ta’minoti bo‘limida o‘rganish ishlari olib borildi.

💬Mas’ullar tomonidan muassasaning korrupsiyaga qarshi kurashish borasidagi faoliyati amaldagi qonunchilik talablari asosida tahliliy va tanqidiy ko‘rib chiqildi.

💬O‘rganish davomida asosiy e’tibor sohadagi muhim ikki qonun talablarining "Termiz shahargaz" gaz ta’minoti bo‘limidagi amaliy ijrosiga qaratildi:

▶️O‘zbekiston Respublikasining “Korrupsiyaga qarshi kurashish to‘g‘risida” 2017-yil 3-yanvardagi O‘RQ-419-sonli Qonuniga asosan bo‘limda ochiqlik siyosati qanchalik yo‘lga qo‘yilganligi o‘rganildi:

🟢Raqamlashtirish va inson omili: Iste’molchilarga ko‘rsatilayotgan xizmatlar, gaz hisoblagichlarini o‘rnatish va qiyoslovdan o‘tkazish jarayonlarining to‘liq raqamlashtirilganligi hamda inson omilining kamaytirilganligi;

🟢Manfaatlar to‘qnashuvi: Bo‘lim xodimlari o‘rtasida manfaatlar to‘qnashuvining oldini olish, shartnomalar tuzishda shaffoflikni ta’minlash va "komplayens-nazorat" tizimining samaradorligi tahlil qilindi.

▶️O‘zbekiston Respublikasining “Jismoniy va yuridik shaxslarning murojaatlari to‘g‘risida” 2017-yil 11-sentabrdagi O‘RQ-445-sonli Qonuniga muvofiq, gaz ta’minoti bo‘yicha kelib tushayotgan arizalarni ko‘rib chiqish tizimi baholandi:

🟢Murojaatlarning o‘z vaqtida hal etilishi: Gaz bosimining pastligi, gaz tarmoqlaridagi nosozliklar va asossiz qarzdorliklar bo‘yicha aholidan kelib tushayotgan shikoyatlarning qonuniy muddatlarda va sifatli ko‘rib chiqilishi;

🟢Sayyor va shaxsiy qabullar: Bo‘lim rahbariyati tomonidan tasdiqlangan grafik asosida fuqarolarni qabul qilish hamda muammolarni bevosita joyida hal etish ko‘rsatkichlari ko‘rib chiqildi.

💬“Har bir iste’molchi o‘z to‘lovlarining haqqoniyligini, gaz ta’minotidagi muammolarning tezkor va ta’magirliksiz hal etilishini talab qilishga haqli. “Termiz shahargaz” gaz ta’minoti bo‘limida jismoniy va yuridik shaxslarning murojaatiga bepisandlik bilan qarash yoki asossiz qarzdorliklar yozish kabi holatlarga aslo yo‘l qo‘yilmaydi. Qonun talablari ijrosi ustidan nazoratimiz qat’iy davom etadi," — deya ta'kidladi Kengash raisi.

🫥O‘rganishlar yakunida aniqlangan kamchiliklarni bartaraf etish, murojaatlar bilan ishlashda ochiqlikni yanada oshirish hamda shahar aholisiga sifatli va uzluksiz xizmat ko‘rsatish yuzasidan bo‘lim rahbariyatiga tegishli tavsiya va ko‘rsatmalar berildi.