Termiz tumani hokimi Shuxrat Kalandarovning joriy yil 12-fevral kuni "M.Eshtemirov" mahallasida o‘tkazgan sayyor qabulida bildirilgan murojaatlar bosqichma-bosqich ijobiy hal etilmoqda. Deputatlar bilan hamkorlida davom etayotgan qabullarda hududlardan saylangan deputatlar ham faol ishtirok etib kelmoqda, hududda bo‘lib o‘tgan mazkur qabulda Xalq deputatlari tuman Kengashiga 8-Tajribakor saylov okrugidan saylangan deputat Akmal Avliyakulov bevosita ishtirok etgan edi.

Jumladan, qabul jarayonida fuqaro tomonidan elektr energiyasi ta’minotini yaxshilash, mavjud tarmoqlarni tartibga keltirish masalasida murojaat yo‘llangan edi. Ushbu masalani tezkor va sifatli hal etish yuzasidan mas’ullarga aniq vazifalar belgilab berilgan.

Murojaat ijrosi doirasida tuman Elektr tarmoqlari korxonasi mutaxassislari tomonidan amaliy ishlar olib borilib, hududdagi elektr tarmoqlari yangi o‘rnatilgan beton ustunlarga ko‘chirildi hamda aholi xonadonlariga elektr liniyalarini tortish ishlari bajarildi.