NAMANGAN SHAHAR KENGASHI DEPUTATLARI FAOLIYATI O‘RGANILMOQDA

🏛 2026-yil 20-oktabr kuni O‘zbekiston Respublikasi Oliy Majlisi Senati devonining Hududiy vakillik organlari faoliyatini o‘rganish markazi topshirig‘iga asosan Xalq deputatlari Namangan shahar Kengashi deputatlari faoliyatini o‘rganish jarayoni boshlandi.

Namangan shahar hokimligida tashkil etilgan jarayonda deputatlar bilan individual suhbatlar o‘tkazilib, ularning vakillik organidagi faoliyati, saylov okruglarida amalga oshirayotgan ishlari hamda saylovchilar bilan muloqotlari yuzasidan ma’lumotlar o‘rganilmoqda.

Mazkur tadbir mahalliy Kengashlar faoliyati samaradorligini oshirish, vakillik hokimiyati mustaqilligini ta’minlash va mavjud boshqaruv tizimini takomillashtirishga qaratilgan.