#24_másele
#5_sanlı_K_Nurlıbaev_saylaw_okrugi
#Milliy_tiklanish_demokretik_partiyası

✅ Deputat máhállede jańa kanalizaciya qubırların tartıw jumısları menen tanıstı

⚡️ Xalıq deputatları Shımbay rayonlıq Keńesi sekretariat baslıǵı M.Zarikeev “Orjap” MPJ aymaǵındaǵı jańadan qurılıp atırǵan kanalizaciya tarmaqları hám qubırlardı tartıw jumısları menen tanıstı.

Úyreniw dawamında kanalizaciya qubırların jatqarıw procesi, qurılıs-montajlaw jumıslarınıń sapası, joybar talaplarına ámel etiliwi hám belgilengen jumıslardıń óz waqtında orınlanıw jaǵdayı kózden ótkerildi. Sonday-aq, jańa kanalizaciya tarmaqların qurıw arqalı xalıqtıń turaq jaylarına qolaylıq jaratıw, aymaqta sanitariyalıq-gigienalıq jaǵdaydı jaqsılaw hám zamanagóy injenerlik-kommunikaciya infrastrukturasın rawajlandırıw máselelerine itibar qaratıldı.

Deputat qurılıs jumısların belgilengen texnikalıq talaplar tiykarında, sapalı hám qáwipsiz tárizde ámelge asırıw, qubırlardı durıs jatqarıw hám jumıs procesinde bar mashqalalardı óz waqtında saplastırıw áhmiyetli ekenligin atap ótti.